gl | es
Ese é o nome da nosa factoría de produción para a divulgación do coñecemento científico.
Obradoiros, ludiconferencias, discurshows, cafés... Despois de anos de colisións no noso laboratorio conseguimos dar forma a unha ampla variedade de experiencias con grande diversidade de formatos.
Código Sapiens!
É certo! Temos novo discurshow! Chámase Código Sapiens e trata sobre as orixes da linguaxe, tentando entender por que será que falamos. Estreamos o 16 de setembro de 2016 en NAUKAS Bilbao.
A linguaxe! Usámola a diario tanto para organizarmos os nosos pensamentos como para os transmitir a outras mentes. É a capacidade máis exclusiva dos seres humanos: ningún outro ser vivo posúe linguaxe. É unha ferramenta esencial para a organización, o control e o desenvolvemento social.
E a pesar de todo, a súa aparición no proceso evolutivo continúa a ser un dos maiores enigmas.
Non sabemos nin cando nin como se desenvolveu a linguaxe. Mais temos ideas. Muitas! Neste discurshow indagaremos nalgunhas delas. Ideas que indican que a linguaxe puido aparecer para pensar en cousas que non están diante dos ollos, para imaxinar cousas que non existen. E todo co obxectivo de deixarmos de ser comedores de medula ósea e podermos acceder a unha dieta en condicións.
[LAB] out!
Ao colisionarmos Ciencia e Artes Escénicas aparecen ás veces produtos inesperados, partículas de alta enerxía dramática con grande capacidade de penetración e aptas para todo tipo de públicos (e espazos!).
Recollemos científic@s nos seus laboratorios para ponderar os seus coñecimentos á luz do sorriso do público.
CEREBRUM
||| Se o cerebro, a nosa máquina de construir realidades, se oculta baixo o parapeto cranial, podemos mostrarnos impávidos e deixar de investigalo? De maneira ningunha! [+]
Azul da Cor do Mar
||| Ese profundo azul que nos inspira, nos transporta, nos divirte, ese horizonte inmenso que nos nutre, que nos cura e embelece, brinda para nós naturalmente todo un océano de posibilidades.[+]
MatematicaMENTE!
||| Entenden de Matemática os organismos biolóxicos? E nós? Está a nosa mente capacitada para procesar o cálculo matemático? Un neurocientífico e unha matemática disertan hiperbólicos resolvendo incógnitas. [+]
COSMOS
||| O Universo actual é o resultado de 13 800 millóns de anos de interaccións entre partículas, átomos e moléculas. Para o comprendermos debemos viaxar aos límites do Cosmos! Ao comezo de TODO. [+]
Peixe na proa!
||| Como determinar a idade dos peixes? Como recoller unha mostra de plancton a 50m de profundidade? Como comer sopa a bordo navegando no Gran Sol? Revelacións mareantes sobre Oceanografía e Pesca Sustentábel. [+]
Experimenta!
Cando o Sol se deita
Brincando coa Luz. Elaborado para Galiciencia 2015
||| Eu quería ver polas orellas. E ollar por detrás non estaría nada mal... Penso que algo falta nas orellas para elas conseguiren ver... Como raio fan os ollos para ver? [+]
Krystal!
Cristalografía total para Galiciencia 2014
||| Como sabemos, a Cristalografía é a disciplina que estuda a disciplinada grafía dos cristais. E sabemos como? [+]
BeWater!
Show acuoso elaborado para Galiciencia 2013
||| Contemplando a Terra desde a Estación Espacial Internacional (EEI) descobres que todo o que coñeces, todo o que viviches, está aí, nessa humilde esfera húmeda enfeitada de mares e nubes.[+]
DISCURSHOW
O discurshow Matarratos Darwin foi o noso espectáculo de presentación. Desde entón non deixamos de procurar novos xeitos de comunicar a ciencia.
Saudades do vello Matarratos.
Mais había que seguir producindo e entre experimentos e colisións particulares conseguimos estrear no evento Naukas 2012 o noso segundo discurshow: o DSW PROTÓN!
Cafés Científicos
Desde 2006 vimos brincando con esta experiencia tabernaria e desenfadada de divulgación. Son os Cafés Científicos (ou Cafés Teatro-Científicos) que parten da iniciativa do grupo de investigación NEUROCOM da Universidade da Coruña (UDC).
Recoñecidos como Práctica Inspiradora en Cultura Científica pola FECYT en 2011 polo seu formato orixinal e a súa capacidade de envolver públicos non especializados. A proxección dos Cafés internacionalizouse radicalmente en 2012 en virtude da nosa colaboración co Instituto Cervantes, que nos permitiu chegar a países como Suecia, Irlanda, Marrocos ou a India.
Conexións
A produtora Adivina Producións convidounos a participar no programa de divulgación Conexións, para a TVG. Decidimos contribuir con breves monólogos científicos nos que Xurxo Mariño diserta con soltura e Heriberto Peripécio (Vicente) se solta sen mesura.